Fara í efni
Heim

Hótelið

Náðum við athygli þinni?  

Við á Icelandair hótel Reykjavík Marina viljum skera okkur úr með því að vera skemmtilega öðruvísi. Hjá okkur er alltaf eitthvað nýtt og ferskt í boði hvort sem vísað er til veitinga, skemmtunar eða þess að sofa vært í fallega hönnuðum herbergjum. Hönnunin á hótelinu ber þess vel merki ásamt andrúmsloftinu sem við einsetjum okkur að skapa, en það er í senn frjálslegt, fínt og fjölþjóðlegt. Við viljum fyrst og fremst hafa gaman með gestum okkar og gangandi og elskum að prófa eitthvað nýtt og taka þátt í skemmtilegum uppákomum

Snertu skip í slipp 

Icelandair hótel Reykjavík Marina stendur við slippinn við gömlu höfnina og er með einstakt útsýni, annars vegar yfir hafið og hins vegar yfir Vesturbæinn. Slippurinn er frábær staðsetning fyrir hótel, steinsnar frá iðandi mannlífi miðborgarinnar á einum besta útsýnisstað Reykjavíkur.

Reykjavík Marina

 

Reykjavík Marina

Græn í gegn 

Megin aðdráttarafl Íslands er hrein og ósnortin náttúra. Icelandair hótel Reykjavík Marina gerir sér grein fyrir ábyrgð sinni gagnvart umhverfinu og starfar eftir alþjóðlegum staðli um umhverfisstjórnun, ISO 14001. Reykjavík Natura fékk þá vottun í júní 2012, fyrst hótela á Íslandi. Icelandair hótel  vinna stöðugt að umbótum í umhverfismálum án þess að það komi niður á þjónustu við gesti.
 
Markmið í umhverfismálum:

  • Fara vel með auðlindir, draga úr úrgangi og auka endurvinnslu
  • Velja vörur og þjónustu með tilliti til umhverfisins
  • Leggja áherslu á að nota íslenskt hráefni og aðföng
  • Fylgja lögum og reglugerðum umhverfismál og fara lengra þar sem við á
  • Upplýsa gesti um hvernig þeir geti tekið þátt með okkur
  • Fræða starfsfólk og þjónustuaðila um umhverfismál 

 

Íslensk hönnun á Reykjavík Marina

Herbergi og alrými Icelandair hótel Reykjavík Marina  eru prýdd íslenskri hönnun á áhugaverðan hátt. Um er að ræða ýmsar herbergjagerðir á fjórum hæðum. 

Það er gleðjandi fyrir augað að ganga um á Reykjavík Marina og skoða hönnunina á hótelinu sem vekur jafnan áhuga og ánægju gesta. Við leggjum mikið upp úr hönnuninni en hún er nútímaleg og falleg og um leið sérlega frumleg þar sem eldri munum úr nærumhverfi slippsins er blandað saman við nýja hönnun. Öll húsgögn og innréttingar eru sérsmíðaðar á Íslandi og hver munur vel valinn inn í heildarmyndina til að setja rétta tóninn fyrir upplifun gesta okkar. Herbergin á Reykjavík Marina hafa þægindin í fyrirrúmi en þar fær nútímahönnun einnig að njóta sín með vísun í höfnina ásamt gömlu íslensku handverki.

Reykjavík Marina

 

Reykjavík Marina

Reykjavik Marina Residence

Reykjavik Marina Residence er í tveimur húsum við hlið aðalbyggingar Reykjavík Marina, við vesturenda hússins. Á Reykjavik Marina Residence er lögð áhersla á framúrskarandi þjónustu og aukin þægindi. Móttaka og 60 fm svíta eru í öðru húsinu, Daníelshúsi, sem kennt er við Daníel Þorsteinsson skipasmið. Í húsi við hliðina eru 6 40 fm svítur.

Forvitnilegur fróðleikur

Í bókastofunni okkar eru hillur smíðaðar úr 1600 trékubbum sem féllu til við endurbætur hótelsins.

220 textaskilti leynast í krókum og kimum með fróðleik og skilaboðum til gesta.