Fara í efni
Heim

Fundir & viðburðir - Reykjavík Marina

Icelandair hótel Reykjavík Marina býður upp á fjölbreytt rými fyrir fundi og viðburði. Í boði er bíósalur, klassísk fundaraðstaða og rými sem veita innblástur fyrir vinnufundi, viðburði og móttökur. Í húsinu er að finna Slippbarinn, vinsælan veitingastað og bar.

Slippbíó
Okkar vinsæla Slippbíó rúmar 26 manns í sæti og nýtist vel sem fyrirlestrar- og kynningarsalur jafnt sem bíósalur. Innfalið er skjár og skjávarpi og fullbúið hljóðkerfi sem þú tengir auðveldlega við þitt tæki. 

  • Fundarsæti fyrir 26 manns
  • Fjölbreytt veitingaþjónusta sem við sníðum að þörfum þínum

Living Room 
Notalegt fundarrými staðsett í vesturenda hússins ásamt Kaffislipp. Rýmið tekur allt að 20 manns í hefðbundin fundarsæti en hentar einnig vel fyrir standandi boð. Aðgangur að flatskjá sem hægt er að tengja við tækið þitt. 

  • Fundarsæti fyrir 20 manns
  • Hanastél fyrir 30 manns

Community Table
Langt og stæðilegt viðarborð sem tekur 24 manns í fundarsæti. Rýmið er staðsett á veitingahúsinu Slippbarinn og hentar einstaklega vel fyrir einkasamkvæmi, fundi og viðburði. Hægt er að loka rýminu með glerrennihurðum og tjöldum sem veita gott næði. Community Table er búið flatskjá sem hægt er að tengja við tækið þitt. 

  • Fundarsæti fyrir 24 manns

Lounge
Óhefðbundin fundaraðstaða sem skapar stemningu og veitir innblástur. Hægt er að velja hvort herbergið er hólfað af eða hvort flæði sé á milli tveggja rýma með því að snúa bókahilluvegg. Í rýminu er flatskjár sem hægt er að tengja fyrir fundi og kynningar. 

Lounge aðstaðan er tilvalin fyrir fordrykki, hanastélsboð og hvers kyns móttökur með léttum veitingum. 

  • Fundarsæti fyrir 8 manns
  • Hanastél fyrir 70 manns

Kaffislippur
Stórt og bjart rými með fallegu eldstæði og litlu sviði sem býður upp á að vera með fjölbreytta viðburði fyrir 25 til 40 manns.
Kaffislippur er opið rými sem er tilvalið fyrir fundi, fyrirlestra, kokteilboð og létta hádegisverði sem og viðburði sem breytast. Til dæmis byrjað á fundi og/eða fyrirlestri og farið yfir í mat og drykk sem gæti til að mynda hentað ýmis konar samhristingi.
Innifalið er skjávarpi og tjald sem þú tengir auðveldlega við þitt tæki.

  • 25-40 manns - fer eftir uppsetningu
  • Stærð: 53,4 m2

Fundarveitingar
Hafið samband við marina@icehotels.is og í síma 560 8000 fyrir nánari upplýsingar og bókanir.

Vinsamlega athugið að Slippbíó er eina fundarrýmið sem er fullkomlega hljóðeinangrað

 

 

Reykjavík Marina

 

Reykjavík Marina

Fundurinn í höfn á Reykjavík Marina

Fjölbreytt rými, litríkt umhverfi og hraðskreið þjónusta gera fundardaginn bæði skemmtilegri og árangursríkari á Reykjavík Marina. Hvort sem þú ætlar að stýra fjögurra manna hraðbát í skreppitúr, einbeittri 25 manna herskipsáhöfn í heils dags leiðangur eða fara með 70 manns í morgunsiglingu þá höfum við afl og rými til að drífa fundinn áfram af þeim krafti sem þarf.

Á hvaða siglingu ert þú?
Dagróður 9.990 kr. á mann
Heill dagur – innifalið: morgunverðarhlé, hádegisverður, síðdegishlé og fundarsalur

Morgunsigling 6.990 kr. á mann
Hálfur dagur – innifalið: morgunverðarhlé eða síðdegishlé, hádegisverður og fundarsalur

Skreppitúr 3.490 kr. á mann
Stuttur fundur – innifalið: morgunverðarhlé eða síðdegishlé og fundarsalur

Kvöldsigling
Kokteilpartý – Drykkur og/eða matur í partý-rými

Viltu vita meira?
Sendu póst á fundir.marina@icehotels.is eða hringdu í síma 560 8040.

 

Óhefðbundin og skemmtileg fundar- og veisluaðstaða

Viðburður í alrými og gestamóttöku Icelandair hótel Reykjavík Marina vekur jafnan lukku gesta sem og gestgjafa en aðstaðan  er með eindæmum skemmtileg. Ekki er um hefðbundinn fundar- eða veislusal að ræða heldur fallegt og skemmtilega hannað rými gestamóttöku hótelsins. Sófar, pullur, stólar og púðar veita þægindin og skemmtilega innréttað rýmið með íslenskri hönnun og ýmsum áhugaverðum gömlum íslenskum munum vekja jafnan athygli og aðdáun gesta. Arineldurinn setur svo punktinn yfir i-ið.

Í gestamóttöku og alrými Icelandair hótel Reykjavík Marina bjóðum við einstaklingum og fyrirtækjum að halda alls kyns viðburði. Mögulegt er að taka á móti allt að 100 manns. 

  • Aðstaðan er frábær til að halda kynningar, fyrirlestra, sölufundi, móttökur, boð og veislur af hvaða tagi sem er.
  • Fjölbreytt veitingaþjónusta sem við sníðum að viðskiptavinum okkar.

Fyrir frekari upplýsingar og bókanir hafið samband á marina@icehotels.is eða í síma 560 8000.

Reykjavík Marina